ပုံသွင်းခံရသော သံသေသား

စနစ်တကျမရှိတဲ့ ခံစားချက်တွေနဲ့
လက်ဖြန့်ခံမတောင်းခဲ့ပါဘူးလေ
ကိုယ့်ရင်ကိုယ်တိုင်ခွဲ လွဲမှားခြင်းတွေနဲ့
နဖူးစည်းမရှိတဲ့ မဏ္ဍပ်တိုင်မှာ
ကိုယ့်ဇာတ်ကိုယ်မနိုင်ပဲ “က”မိခဲ့ပေါ့

သူ့ရင်ခုန်သံကို နားမလည်တဲ့အဖြစ်
ညစ်နွမ်းမှု စည်းရဲ့အပြင်ဘက်မှာ
အသက်ရှုကြပ်လို့ ဇောတစ်ချက် တစ်ချက်က
မတ်မတ်တောင် မရပ်နိုင်အောင်ဖြစ်နေရဲ့
အတ္တတစ်ချို့နဲ့ ကိုယ့်ကို ရွံရှာစွာကြည့်မိတယ်

အတိတ်ခေါက်ရိုးကျိုးကို အပူပေး
ဆွေးသမျှ လွမ်းသမျှတွေက ဆောက်တည်ရာမဲ့
လက်နက်မပါတဲ့ ခံတပ်တစ်ခုသာရှိခဲ့တယ်
မျက်ရည်မြစ်ရဲ့ အစပြုခြင်းက မခံမရပ်နိုင်အောင်ပဲ
ခံစားချက်လွင်ပြင်ထဲက ငါ့မြက်ခင်းတစ်ခင်း
 ဘယ်တော့မှ မစိမ်းလန်းနိုင်ဘူးတဲ့လားကွယ်..

လွင့်မျောနေခဲ့တဲ့ အလင်းနှစ်တစ်ခု
ဆုံမှတ်နဲ့ပန်းတိုင် လှမ်းမကိုင်နိုင်ခဲ့ဘူး
မွန်းကြပ်မှုအတိနဲ့ စိတ်ခန္ဓာ
ဗလာလက်နဲ့ ခပ်ထန်ထန်မျက်ဝန်း
ဒါက မင်းပေးတဲ့ ကူပွန်တစ်ခုလားကွယ်
ကိုယ့်အသက်နဲ့ လက်ခံယူခဲ့ပါတယ်ကွယ်

နေရဲ့ပူပြင်းမှုက ခပ်ပါးပါး
လျှပ်တပြက် တားထားခဲ့တဲ့
အသွားလှလှ ဥပေက္ခာဓါးအောက်မှာ
ကျနော် ကိုယ်တစ်ခြမ်း ခိုးယူခံခဲ့ရပါပြီလေ

အဲဒီကောင်မလေးကပဲ
သူ မခံစားတတ်တဲ့ ကဗျာ...
သူ မခံစားတတ်တဲ့ အချစ်...
သူ မယုံကြည်တဲ့ မြတ်နိုးမှုတွေကို
ကျနော့်ဆီက သိမ်းယူသွားခဲ့တယ်ဗျာ..။

ကျော်ဦး (12.11.2012)