ကဗျာရဲ့သွေး

အရင်ကလို မရိုင်းချင်နဲ့
လက်ရှိခေတ်က ဒို့ခေတ်ဖြစ်ရမယ်
အခု ကဗျာခေတ် စတင်တော့မယ်
ကဗျာဆရာများ နေရာယူလို့
လူသေတွေ လူရှင်ဖြစ်အောင်
ကဗျာသွေးတွေ ဖောက်တိုက်ကြမယ်

ကျန်ခဲ့တဲ့ နှစ်တွေမှာတော့
ကဗျာကွက်စီးပွားရေးစနစ် အားကောင်း
ရောင်းလိုအားလည်းကောင်း ဝယ်လိုအားလည်းကောင်း
ကဗျာတွေက ကားဝယ်စီး ကဗျာတွေက ပဲပြုတ်စားနဲ့
မတည်ငြိမ်နိုင်ခဲ့တဲ့ အိတ်စ်ပို့ကဗျာဈေးကွက်
အရင်းရှင်ကဗျာတွေ ဝမ်းသာရတဲ့ခေတ်

ရေဒီယိုတွေ နားထောင်ခဲ့ကြ
တီဗီသတင်းတွေနဲ့ကြီးပြင်း
မျက်စိတွေ မှေးနေတဲ့အချိန်တွေလွန်လို့
သတင်းနဲ့နည်းပညာတွေထွန်းကား
အင်တာနက် ကွန်ယက်က ကမ္ဘာ့ရွာကြီးဖြစ်
တလွဲဆံပင်ကောင်းပုံက လိင်မှုရှုပ်ထွေးကြတယ်
ပွင့်တဲ့မျက်လုံး အနည်းငယ်သာရှိလေရဲ့

ကဗျာအမေကြီးက ပြောတယ်
ကဗျာက ရုန်းကန်ရမယ် တိုက်ခိုက်ရမယ်
ကဗျာရယ်လို့ဆိုရင် ရင်ထဲက အသံပါရမယ်
ကဗျာမှာ ဝင်ငွေမရှိဘူး ဆင်ခြေမရှိဘူး
ကဗျာဆိုတာ သတ္တိရှိတယ် သုံသပ်ခြင်းရှိတယ်
ကဗျာက ခေတ်ကြီးကို သရုပ်ဖော်နိုင်ရမယ်

ငါတို့တွေအတွက် အလင်းရောင်လိုတယ်
ပညာရေးမှိတ်တုပ်မှိတ်တုပ်နဲ့ ဖြတ်သန်း
မကျေမချမ်းနဲ့ရတဲ့ လက်မှတ်တစ်ခုကိုင်
အလုပ်အကိုင်ဆိုတာကို ရှာကြည့်စမ်းပါ
ညစောင့်လား ပြာတာလား ခင်ဗျားရကိုရမယ်
ခင်ဗျားက ပညာတတ်ကိုးဗျ..

အခုတော့ တို့ပြည်ကြီးက
တောင်သူဦးကြီးတွေလည်းပျောက်
လူငယ်တွေက ဟိုရောက်ဒီရောက်
တိုင်းတစ်ပါးသွား စီးပွားရှာတဲ့ခေတ်က
ရိုးတွင်းခြင်ဆီအထိ လှိုက်စားခဲ့ပြီပေါ့
ရင်နာစရာတွေ များခဲ့တဲ့အရပ်
ခင်ဗျား ပြောနိုင်မလား....
အဲဒီသမင် ဘယ်တာကထွက်ခဲ့တာလဲ....။

ကျော်ဦး (17.10.2012)

မကျေနပ်ခြင်းများ

မတတ်သာလို့ ဆုံရှုံးပေးရမလား
ကိုယ့်လက်ထဲက ခံစားခွင့်တွေက
ယုတ္တိဗေဒကျကျ စဉ်းစားကြည့်
ကိုယ်ပိုင်တဲ့ ကိုယ့်ဆုံးဖြတ်ချက်ကို
အဓမ္မအကျင့်ခံလိုက်ရတာ ဝမ်းနည်းစရာကောင်းတယ်

မရနိုင်တော့ အတိတ်တွေဆီကို
နောက်ပြန်ရစ်ပြီး သွားကြည့်ချင်တယ်
ဗလာကျင်းထားတဲ့ စိတ်တွေနဲ့
ကိုယ့်အတွက်ကျန်မယ့်ဈေးဖြတ်ပေးဖို့
ဟစ်တလာ မသတ်နိုင်ခဲ့တဲ့ ဂျူးတစ်ယောက်ကို
ကိုယ့်တန်ဖိုးကိုယ် ဈေးဖြတ်ခိုင်းလိုက်မယ်

ဘယ်ရှုထောင့်ကနေကြည့်ကြည့်
လက်နှစ်ဖက်ကစလိုက်တဲ့ တိုက်ပွဲ
ရေထဲခဲပစ်လိုက်သလို လှုပ်ရှားထကြွလို့
အရောင်ဆိုးထားတဲ့ မုသားတွေသုံး
အတ္တတွေကို နာရီထဲထည့်ပြီးလည်ပတ်နေရတာ
ပစ္စုပ္ပန်တွေအတွက်တော့ ရင်နာတယ်

ကိုယ့်ရည်သွေးဖို့ ပွတ်တိုက်ထားခဲ့ရဲ့
အရည်အချင်းတွေ လုံးပါးပါးလို့
အနာဂါတ်အတွက် တိုက်မယ့်စစ်က
ဘော်ရှီဗစ်တွေနဲ့ စစ်ထိုးနေရသလိုပဲ
ကိုယ့်မြှားကိုယ်ချွန်နေတာတောင်
ကိုယ်ချွန်တဲ့မြှားနဲ့ ကိုယ့်လိပ်ပြာအပစ်ခံရတယ်

မကျေနပ်ခြင်းတွေ အစပြုခဲ့တာ
ရောက်ခဲ့တဲ့ အသက်အရွယ်ကိုလည်းမကျေနပ်ဘူး
ရောက်နေခဲ့တဲ့ နေရာကိုလည်း မကျေနပ်ဘူး
ပိတ်ပင်ခံရတဲ့ လွပ်လပ်မှုကိုလည်း မကျေနပ်ဘူး
ပျံတန်တန်နံတန့်တန့် ကံတရားကိုလည်း မကျေနပ်ဘူး

ဒီနေ့အဖို့တော့........
မဓါတ်တစ်ခုရဲ့ ဦးဆောင်မှုကို
မကျေနပ်ခဲ့တာ အသေအချာပဲ..။

ကျော်ဦး (20.10.2012)

အထုပ္ပတ္တိ

ငါကြောက်နေခဲ့တယ်
လူလိမ္မာတွေရဲ့ အတ္တတွေကို
ဂုဏ်ချင်းယှဉ်ရင်တော့ သူတို့အသာပေါ့
ဒါဆိုစိန်ခေါ်ထားခဲ့လိုက်မယ်
သွေးချင်းယှဉ်မလား စိတ်ချင်းယှဉ်မလား
ဒီကောင်က အနုပညာသွေးကြီးတဲ့ကောင်

ကဗျာအချင်းချင်း စီးချင်းထိုးရာက
ကဗျာတွေ သေခဲ့ကြတယ်
ကဗျာတွေက ငိုချင်းတွေဆို
ကဗျာတွေက တောက်တခေါက်ခေါက်
ကဗျာဈာပနတစ်ခုမှာပေါ့
အဲဒီလူတွေသွားမယ့်လမ်း ကြေးစည်ထမ်းပြီးလိုက်မပို့ချင်ဘူး

အမှောင်ကျနေတဲ့ အရပ်မှာအလင်းဖြန့်ဖို့
မောင်ချောနွယ်ပြောတဲ့ ဒဏ်ခံကြိုးလေးတွေလေ
သမိုင်းကမပေးပေမယ့် တာဝန်ကျေချင်တဲ့သူတွေ
ရင်ခုန်သံတွေချင်းထပ်လို့ ခံစားချက်ကိုယ်စားပြု
အတုအယောင်မဟုတ် လူစ်ိတ်ရှိတဲ့လူတွေ
အသက်မွေးဝမ်းကျောင်းမဟုတ်ပေမယ့်
ယုံကြည်ချက် မြင့်မားသူတွေသာဖြစ်ခဲ့တယ်

သူတို့တွေက တိုက်စားခံရတဲ့ ခြေရာတွေမဟုတ်
ကျောက်သားတွေထက် မြဲမြံတဲ့ ခံယူချက်နဲ့
စကားလုံးတွေနဲ့ အနက်ရှိုင်းဆုံးထိုးပြ
လတ်ဆတ်ခြင်းတွေကို စားသုံးစေဖို့
အတွေးသေတွေကို ရှင်သန်စေဖို့
ခင်ဗျားတို့ စိတ်ဓါတ်ဖြူတွေကို လေးစားလျက်
သစ္စာတရားနဲ့ ဂုဏ်ပြုအပ်တယ်
ကဗျာတွေ သက်တော်ရာကျော်စေသော်..။

ကျော်ဦး (22.10.2012)

တွေးရင်း ရေးခဲ့ မေးခဲ့သော စကစ်ဇိုတစ်ကောင်

ခပ်ပြင်းပြင်း မီးတောက်တစ်ခုကို မျိုချလိုက်ရသလိုပါပဲ
မီးလောင်ရာလေပင့် မီးတောက်ရဲရဲထဲကလူ
တောမီးလောင် တောကြောင်လက်ခမောင်းခတ်တယ်
တောမီးလောင်ခြင်း၌ အပြစ်ရှိသလော
လက်ခမောင်းခတ်သော တောကြောင်၌ပင် အပြစ်ရှိသလော

ဝင်ကစွပ်တစ်ကောင်ရဲ့ အိမ်ယာတစ်ခုကဲ့သို့ မျှောလွင့်လို့
ဒီခေတ်မျက်နှာသစ်ဆေးတွေက လောဘအဆီတွေကိုဖျောက်ပေးနိုင်သတဲ့
နှစ်ချို့ဝိုင်တစ်ခွက်ရဲ့ ရီဝေခြင်းတွေက အမှန်တရားများလား
တစ်ခါတစ်လေ ငါ့ကိုယ်တိုင်ကရော ငါဟုတ်ခဲ့ရဲ့လား
သိခြင်းမသိခြင်းများ၌ မည်သူအပြစ်ရှိသနည်း

ကိုယ်တိုင်ရေးလို့ ကိုယ့်ပုံမထွက်ဖြစ်တဲ့ လက်ရေး
ခပ်တည်တည်ပဲ မျက်နှာပေါ်မှာ အတုတွေဆင်မြန်းပြီးထွက်ခဲ့တယ်
လူတွေရဲ့ အစိုင်အခဲအပြုံးတွေက ခေတ္တတော့ ဖမ်းစားလေရဲ့
သုံးစွဲထားကြတဲ့ ရေမွေးကုမ္မဏီတံဆိပ်တွေ ကြွားနေကြလေရဲ့
ကိုယ်ကပဲ လူသားမဆန် ရေမွှေးနံ့ကို မခံနိုင်ခဲ့တာများလား

ညနေခင်းတစ်ခုရဲ့ တေးသံ နားခံသာပါရဲ့လား
အိပ်တန်းပြန်ငှက်တွေကတော့ အချက်ပေးနေလေရဲ့
ပြည်တွင်းစစ်တွေ ငြိမ်းအောင်ဆုတောင်းနေရင်းနဲ့
ဘုရားသခင်နဲ့ဆုံတွေ့လို့ စကားပြောမိတဲ့နေ့လေ
သူ(ဘုရားသခင်) ကပြောတယ်...
မင်းဖြတ်လာတဲ့ ကာလကြီးကိုက ကြွပ်ဆပ်ဆပ်နဲ့
ဘယ်အချိန်ကျိုးမယ်မှန်မသိတဲ့ တံတားဟောင်းတစ်စင်းလိုပဲတဲ့
ခေါင်းငိုက်စိုက်ချလို့ အတွေးတွေ လေထဲလွှင့်ရင်း
ကျနော့်ကိုယ် ကျနော် ပြန်ရှာခဲ့တယ်

သွေးသားတွေလမ်းဖောက်ရင်း တံတားတွေဆောက်လို့
အချိန် ကာလ ဒေသ နက္ခတ်တွေ သေချာရွေးရင်း
ကံတရားနဲ့ဆော့ကစားကြည့်ဖို့ ယတြာတစ်ခုလုပ်ခဲ့တယ်
ငြိမ်းချမ်းရေးတရားရဲ့ ဘာသားစကားတွေကို ဖွင့်ဆိုလို့
နယူတန်ရဲ့တရားက မပြည့်စုံဘူးလို့ ဆုံးဖြတ်ချက်ချမိတယ်
အမှန်တရားပေါ်သုံးသပ်ခဲ့ပြီး စကားလုံးတွေနဲ့ အလောင်းအစားလုပ်
ငြိမ်းချမ်းရေး အလင်းရောင်သန်းမယ့် တံခါးတွေကိုဖွင့်နိုင်ဖို့
ငါတို့က သီချင်းတစ်ပုဒ်ဆိုတာ မဖြစ်နိုင်ဘူးလား......။

ကျော်ဦး (25.10.2012)

မေ့လျော့နေသော သံဝေဂ

မျောလွင့်နေတဲ့ ကာလတစ်ခု
သူ့ကိုသူတောင် ကုန်ဆုံးမှန်းမသိဖြစ်ခဲ့
အချိန်တွေကတိုက်စား လုံးပါးပါးရင်းနဲ့
မိုးပြိုမှာစိုးတဲ့ ငှက်တစ်ကောင်လို
ကောင်းကင်ကို ခြေစုန်ကန်ဖို့ကြိုးစား
ကျနော်က မြေကြီးနဲ့ကောင်းကင်ကြား
အလွှာပါးပါးလေး တစ်ချပ်ပါ

လျှောက်လှမ်းခဲ့တဲ့ သက်တမ်း
ပြန်လွမ်းမနေတော့ဘူး
တံစို့ထိုးထားတဲ့ ခေတ်ကြီးကိုမီးကင်
ပြင်ဆင်ဖို့မရှိတဲ့ အတ္တတရားတွေအတွက်
အနာဂါတ်တစ်ခုလုံး မော့သောက်လို့
လမ်းကတော့ အခုထိ ရီဝေဝေနဲ့ပဲ

သက်ရောက်မှုတွေအတွက်တော့
တစ်ချို့အရာတွေက အဟောသိကံဖြစ်ခဲ့ဘူးတယ်
ကိုယ့်စိတ်ကို ကိုယ်တိုင်အကျဉ်းချရင်း
ဆိတ်ငြိမ်ရာ တစ်နေရာစာအတွက်
ကင်းဗတ်စ အဖြူတစ်ချပ်မှာ
ဆေးစက်တွေနဲ့ ပက်ဖြန်းလို့ အရုပ်မထင်ခဲ့ပေမယ့်
နယူတန်ရဲ့နိယာမကို လက်ပြနုတ်ဆက်သူတွေက
သုညဓါတ်တွေ ကူးစက်စေခဲ့ကြပြီလေ

နောက်ဆုံး သိခဲ့ရခြင်းကတော့
မသိခဲ့တဲ့ နိဒါန်းတစ်ခုရယ်
မသိခဲ့တဲ့ အဆုံးသတ်နိဂုံးရယ်
သိနေခဲ့တဲ့ အမှန်တရားတစ်ခုသာ
ခိုင်ခိုင်မာမာ ရှိနေပါကြောင်း...။

ကျော်ဦး ( 23.11.2012)

သောက်ရေအိုးစင်နဲ့အတူ

(၁)

                      မနေ့တနေ့ကလိုပါပဲ သူ့ရင်ထဲကမမေ့နိုင်တဲ့ အဖြစ်အပျက်တွေက ကျန်ရှိနေဆဲပါလေ။ သူ့နာမည်က ထွန်းမောင် အားလုံးကတော့ သူ့ကို တယောထွန်းမောင်လို့ ခေါ်ကြတယ်။ သူတို့ရပ်ကွက်လေးမှာ တယောထိုးတတ်သူဆိုလို့ သူတစ်ယောက်တည်းရှိတာကိုး..။ သူ့အိမ်ဝိုင်းလေးရဲ့အရှေ့မှာ အရိပ်ကောင်းကောင်းရတဲ့ မန်ကျည်းပင်ကြီးကို ရှိတယ်လေ။ သူကကုမ္ပဏီတစ်ခုမှာ စာရင်းကိုင်အလုပ်လုပ်တယ်။ အလုပ်ပိတ်ရက်တွေမှာ အိမ်ရှေ့မန်ကျည်းပင်အောက်မှာ ကွပ်ပျစ်ရိုက်ထားပြီး နားနားနေနေ ထိုင်နေတတ်တယ်။ တစ်နေ့တော့ သူစိတ်ကူးတစ်ခုရပြီး ရေအိုးစင်လေးတစ်ခု ဆောက်ပြီးတော့ သွားလာသူများအမောပြေသောက်ရန် ရေဖြည့်ပေးခဲ့တယ်။ မနက်ရုံးသွားခါနီး ရေအိုးကို ရေအပြည့်ဖြည့် ညနေရုံးဆင်းချိန် ရေအိုးကို ရေဖြည့်နဲ့ သူ့ရဲ့နေ့စဉ်လည်ပတ်မှုတစ်ခု တိုးလာခဲ့ပါတယ်။

(၂)
                          ရုံးပိတ်ရက်တစ်နေ့ရဲ့မနက်ခင်းမှာ သူနိုးထလို့ ရေပုံးထဲရေစစ်ခံပြီး ရေဖြည့်လျက် ရေအိုးစင်ဆီသို့ရောက်အလာမှာတော့ သူ့ရေအိုးစင်လေးမှာ ရေခွက်နဲ့သောက်ရေအဖုံးလေးက မရှိတော့ချေ။ သူအံ့သြစွာနဲ့ အနီးအနားတစ်ဝိုက်မှာလှည့်ပတ်ရှာရင်းနဲ့ မရှိကြောင်းသိလေမှ တစ်စုံတစ်ယောက်ယူဆောင်သွားတယ်ဆိုတာ သိလိုက်ရတယ်။ ဒါနဲ့ပဲ ချက်ချင်း လမ်းထိပ်စတိုးဆိုင်သို့သွားကာ သောက်ရေခွက်နဲ့အဖုံးလေးပြေးဝယ်ပြီး သန့်ရှင်းဆေးကြောကာ ရေဖြည့် အဖုံးဖုံးလျက် ရေခွက်အားကြိုးဖြင့်ချည်ရန်စိတ်ကူးရလိုက်ပြီး သံကြိုးတစ်ချောင်းကိုရှာကာ ချည်နေရင်းမှ “ အော်တကယ်လို့သာ ရေသောက်မယ့်သူတွေ ဒီကြိုးချည်ထားတဲ့ခွက်နဲ့သာ သောက်ရမယ်ဆိုရင် အဆင်မပြေနိုင်ဘူး နောက်တစ်ခုက ဒါဟာ ကိုယ့်လူမျိုးတွေရဲ့ ကိုယ်ကျင့်တရားကို စော်ကားနေသလို ဖြစ်နေပါ့မယ် ” ဟုတွေးလျက် သူကြိုးနဲ့ချည်ရန်စိတ်ကူးကို ဖျက်ကာ နဂိုအတိုင်းထားလျက် ကွပ်ပျစ်ပေါ်တွင်ထိုင်ကာ အနားယူနေတော့တယ်။

(၃)

                         သိပ်မကြာခင်မှာပဲ အဘွားအိုတစ်ယောက် တောင်းတစ်တောင်းကို ခေါင်းပေါ်တင်လျက် လျှောက်လာရင်း ရေအိုးစင်နားသို့ရောက်လာပြီး သူ့တောင်းလေးကိုကွပ်ပျစ်ပေါ်တွင်ချကာ ရေအိုးထဲမှရေကို အားရပါးရခပ်သောက်လျက် အမောပြေသွားဟန်ဖြင့် “ ရေအလှူရှင်လေး ကျန်းမာချမ်းသာပါစေ ” ဟုဆုတောင်းကာ တောင်းကိုခေါင်းပေါ်တင်လျက် ခရီးဆက်သွားချိန်မှာ သူ့ရဲ့ပီတိတွေက မောသမျှကိုပြေလျှော့သွားစေခဲ့ပါတယ်။ အဲဒီလိုနဲ့ သူဆက်ပြီးထိုင်နေစဉ်မှာပဲ လူလတ်ပိုင်း အမျိုးသမီးနှစ်ယောက် ထပ်ရောက်ရှိလာပြီး တစ်ဦးက ရေခပ်သောက်စဉ် နောက်တစ်ဦးမှ “ နင်ကလည်းဟယ် ရှေ့မှာဆိုပဲ စတိုးဆိုင်ရောက်ရင် ရေသန့်ဗူး ဝယ်သောက်လို့ရနေပြီဟာကို ” ဟုဆိုကာ ခပ်လှမ်းလှမ်းကစောင့်နေတယ် ရေခပ်သောက်တဲ့ အမျိုးသမီးကလည်း “ ရေအရမ်းငတ်နေလို့ပါဟယ် ဘယ်တုန်းက ငါကဒီလိုလူပေါင်းစုံသောက်နေတဲ့ရေအိုးစင်မှာ သောက်ဖူးလို့လည်း ” ဟုဆိုကာ သောက်ရေခွက်အား ပြန်ထားချိန်တွင် အဖုံးပေါ်မတင်မိပဲ ချော်ကာကွပ်ပျစ်အောက်သို့ကျသွားခြင်းကို မသိချင်ယောင်ဆောင်လျက် ထွက်ခွာသွားချိန်တွင်တော့ သူ့ရင်ထဲမှာ ထိုအမျိုးသမီးအား လွန်စွာအမျက်ထွက်မိသွားခဲ့တယ်။ ထိုသို့ နေ့စဉ် ကြည်နူးလိုက် ဒေါသထွက်လိုက်နဲ့ ဖြစ်ကာ ထိုရေအိုးစင်လေးအား ဖြုတ်ပစ်ရန် အကြိမ်ကြိမ် စဉ်းစားခဲ့မိပါတယ်။

(၄)

                         တစ်နေ့မှာတော့ သူထုံစံအတိုင်း ရေဖြည့်ရန်သောက်ရေအိုးစင်သို့အလာ ပြောင်းလဲနေသော သူ့သောက်ရေအိုးစင်လေးကို ကြည့်လျက် အံ့သြနေမိပါတယ်။ သူ့ရေအိုးစင်လေးကား အမိုးအကာများဖြင့် သပ်ရပ်နေပြီး သဲများခင်းထားခြင်းကို တွေ့လိုက်ရခြင်းပါပဲ။ သူ့စိတ်ထဲမှာ သူလှူမယ့်အလှူကိုထပ်မံပံ့ပိုးသလို ခံစားရပေမယ့် ကျေနပ်ခြင်းနဲ့မကျေနပ်ခြင်း ရောထွေးလျက်ရှိခဲ့တယ်။ ဒါနဲ့သူရေဖြည့်ဖို့ ရေအိုးကို ကြည့်စဉ်မှာလည်း ရေအိုးထဲတွင် ရေအပြည့်ရောက်နေသည်ကို တွေ့ရပြီး သူကွပ်ပျစ်ပေါ်တွင်ထိုင်ကာ ရေအိုးတစ်လုံးရဲ့ရေအလှူအတွက် သူမလှူရခြင်းကြောင့် စိတ်သောကရောက်ကာ ထိုဖြည့်ထားသောရေများကို သွန်ရန်အထိ စိတ်ကူးမိခဲ့ပါတယ်။
နောက်နေ့များမှာလည်း မနက်တိုင်းရေအပြည့်ရှိလျက်သားရှိနေသော ထိုရေအိုးစင်လေးကိုကြည့်ကာ သူရဲ့ဝန်တိုစိတ်တွေက တားဆီးမရအောင်ဖြစ်လာခဲ့တယ်။ ဒီလိုနဲ့ တစ်ညမှာတော့ သူအလုပ်ဖိစီးမှုတွေနဲ့ အရက်ဆိုင်သို့ဝင်ကာ မူးဝေပြီး ပြန်လာခဲ့တယ်။ အိမ်ရှေ့ ရေအိုးစင်အရောက်မှာတော့ ရေအိုးစင်ကိုကြည့်လျက် ဒေါသထွက်လာကာ သူမြတ်နိုးစွာလှူထားခဲ့သော ရေအိုးစင်လေးကို ရိုက်ချိုးဖျက်ဆီးခဲ့မိပါတော့တယ်။

(၅)

                          မနက်ခင်း အလင်းရောက်ချိန်မှာ သူနိုးထလာခဲ့ပြီး မျက်နှာသစ်ကာ အပြင်သို့မျှော်အကြည့်မှာတော့ ရေအိုးစင်အကျိုးအပဲ့နဲ့တကွ တစ်စစီကွဲရှနေသော သောက်ရေအိုး သောက်ရေခွက်နဲ့ အဖုံးတို့ကြားတွင် ရေပုံးတစ်ပုံးကို ဘေးချလျက်ထိုင်ကာ ငိုင်နေတဲ့ အမယ်အိုတစ်ယောက်ကို တွေ့လိုက်ရတယ်လေ။ သူအပြင်ကိုထွက်သွားပြီးထိုနေရာသို့အရောက်မှာ အမယ်အိုကတော့ မျက်ရည်စမ်းစမ်းနဲ့ ရေအိုးစင် အပိုင်းအစလေးများကို လိုက်လံကောက်ယူနေသဖြင့် သူက “ အမေကြီး ရေလာဖြည့်နေတာ အမေကြီးလား ” ဟုမေးရာ အမေအိုမှ “ ဟုတ်ပါတယ်သားရယ် ဒီရေအိုးစင်လေးမှာ တစ်ခါရေသောက်ရင်းနဲ့ လှူချင်လို့ အရိပ်ကလေးကလည်းကောင်း ရေအိုးစင်လေးကိုလည်း အမှိုက်သရိုက်ကင်းသွားအောင် အမေက စေတနာနဲ့ အမိုးအကာလေးလုပ်ပြီးတော့ ရေလာလှူပေးတာပါကွယ် ” ဟုငိုသံစွက်ကာပြောတယ်လေ။ ထိုအခါမှ သူ့ကိုဆုတောင်းပေးသွားသော အမေအိုမှန်း သူမှတ်မိသွားခဲ့တယ်လေ။ သူကလည်း မလျှော့ပဲ “ အမေကြီးက သူများသောက်ရေအိုးစင်ကို ရေလာဖြည့်တာကို ကိုယ့်အိမ်ရှေ့မှာကိုယ်လုပ်ပါလား ” ဟုပြောရာ အမေအိုမှ “ အမေက အိမ်မရှိပါဘူးကွယ် ဘုန်းကြီးကျောင်းမှာ ဝေရာဝစ္စလုပ်ရင်းနေရတာပါ ဒီရေအိုးစင်လေးကိုလည်း သံယောဇဉ်ဖြစ်နေလို့ မနက်အာရုံဆွမ်းအပြီး ကျောင်းကနေ ရေပုံးထဲရေဖြည့်ပြီးတော့ လာလှူရတာပါကွယ် အခုတော့ ရေအိုးလည်းကွဲသွားပြီဆိုတော့ အမေ့မှာ ရေအိုးဝယ်စရာ ပိုက်ဆံလည်းမရှိတော့ အမေ့အလှူလေး ဆုံးရှုံးသွားတာပေါ့ကွယ် သားလေးကိုအမေ ခွင့်မတောင်းမိတာ တောင်းပန်ပါတယ်” ဟုမျက်ရည်များဖြင့်ပြောချိန်မှာတော့ အမေအရွယ် အမေအိုတစ်ယောက်အပေါ် သူ့ရဲ့အတ္တနဲ့ပရ ခွဲခြားခြင်းမရှိပဲ လုပ်ဆောင်ခဲ့တဲ့လုပ်ရပ်အတွက် သူရှက်သွားခဲ့ပြီး နောင်တရသွားခဲ့ပါတော့တယ်။ ဒီဖြစ်ရပ်နောက်ပိုင်းမှာတော့ ရေအိုးစင်လေးလည်းပျောက် သူ့ရင်ထဲက အလှူတစ်ခုအတွက် ဒေါမနဿဖြစ်ရခြင်းများကို နောင်တတရားတွေနဲ့ရှင်းထုတ်နိုင်ခဲ့ပါတယ်..။


ကျော်ဦး (28.11.2012)

ကျနော့်မြို့လေးကိုဖြတ်သန်းကြည့်ခြင်း

စိတ္တဇဆန်တဲ့ အတွေးတွေးကိုသတ်
အတ္တလမ်းတွေကူးဖြတ်နေရတာ
ခြေဖဝါးတွေ ကျိန်းစပ်နေခဲ့ပြီ
နီယွန်မြို့ပြမီးတွေက မှုန်ကုပ်ကုပ်နဲ့
အားငယ်နေရှာတဲ့ ကျနော့်မြို့လေးမှာပေါ့

ပလက်ဖောင်းကို အမှီသဟဲပြု
ကားတဝီဝီဖြတ်နေတဲ့ လမ်းနံဘေး
စီတန်းနေရှာတဲ့ ဘဝရဲ့နေ့ပြန်တိုးစားသူတွေ
ကားဟွန်းသံ နဲ့ ဝီစီသံ လျှံထွက်နေတဲ့
ထုံထိုင်းနေတဲ့ မြို့ရဲ့အနံ့အသက်က
လတ်ဆတ်စွာ ကြိုဆိုနေမလား

သူတစ်လူ ငါတစ်မင်းနဲ့ ခင်းကျင်းထားတဲ့
အလင်းရောင်မရသေးတဲ့ ဘဝတွေ
နေဝင်မိုးချုပ် တစ်ကုပ်ကုပ်နဲ့ အလုပ်တွေလုပ်
ဆိုင်ကယ်တွေ သေနေတဲ့ လမ်းတွေရှိရာ
လူ့မလိုင်တွေကို စက်ဆုပ်နေတဲ့မြို့
ညှိုးငယ်နေရှာတဲ့ သူ့အလှအပအောက်မှာ
အဿပြာပျောက်တဲ့ သားကောင်တွေ ငိုညဉ်းနေရဲ့

ဒီမြို့ရဲ့လမ်းပေါ်မှာ အဖြူအစိမ်းတွေ
ငြိမ်းချမ်းရေးရအောင် လှပခဲ့ဖူးတယ်
ဘေးမသန်း အေးချမ်းရအောင်
အဝါရောင်လမ်းတွေ ရှိခဲ့ဖူးတယ်
အကွက်ကျစီစဉ်တဲ့ အနာဂါတ်အတွက်
လူငယ်တစ်ချို့ ဆယ်စုနှစ် နှစ်ကြိမ်
စိန်ခေါ်ခဲ့ကြဖူးတယ်
နားလည်ရခက်တဲ့ မြို့တစ်မြို့အတွက်
ကံတော်ကုန်လို့ ငါ့မြို့လေး သေဆုံးပေးရဘူးတယ်

အခုတော့ ငိုသံတစ်ချို့တစ်ဝက်အတွက်
အလားအလာ ကောင်းစေဖို့
ဒီမြို့လေးက တောင်းဆုပြုနေခဲ့ပါတယ်..။

ကျော်ဦး (3.11.2012)

နုတ်ဆက်တေး

ရွက်မပါပဲ လွှင့်ခဲ့ပါပြီ
ဘယ်သောင်နဲ့ဘယ်ကမ်းကပ်ကပ်
ဂျစ်ပစီတစ်ယောက်ရဲ့ နှလုံးခုန်သံက
အရမ်းကို ဖျော့တော့တော့နိုင်တယ်
အိပ်မက်ထဲမှာတောင် အသက်ရှုမဝခဲ့ပါဘူး

ခံစားချက်တွေကများ ခလုပ်တိုက်မိသလား
ရိုးသားစွာ ချစ်မိခဲ့တာ သေချာတယ်
လွတ်မြောက်ရာကို မရောက်ခင်
တစ်ဖက်သတ်ဆန်ခြင်းရဲ့အရသာ
ခါးသီးစရာမဟုတ်ပေမယ့် နာကျင်တယ်ကွယ်

မနက်ဖြန်ကို ရင်ဆိုင်နိုင်ဖို့
ဒီနေ့ကို ကျွေးမွေးပြုစုခဲ့ပေမယ့်
ကံရဲ့စေစားရာမှာ နေသားတကျ
အားအင်တွေနုတ်ယူခံရတဲ့ နတ်ဆိုးတစ်ကောင်
အသက်ရှင်ဖို့ အကြောင်းလေးပါးချွတ်ယွင်းခဲ့ပါပြီ....

ပိတ်ပင်ထားတဲ့ တရားတွေကိုချိုးဖျက်
ဘဝခက်ခက်တွေကို အားပေးခဲ့တဲ့ကောင်
အောင်မြင်သူတွေအတွက် ပီတိတရား
ကြိုးစားနေသူအတွက် ခွန်အား
လိုသလောက်ပေးချင်ခဲ့တဲ့ကောင်
ပတ်ဝန်းကျင်တစ်ခုမှာ ရှင်သန်ခဲ့ဘူးတယ်လေ

လတ်တလော အခြေအနေမှာတော့
ကိုယ့်ဆူးကြိုးကို ကိုယ်တိုင်ချည်နှောင်
ကိုယ်လက်နဲ့ကိုယ်သတ် ကိုယ့်အတတ်ကိုယ်စူး
ဒုက္ခတွေကို လက်သင့်ခံနိုင်ခဲပေမယ့်
ဒုက္ခဒဏ်မခံနိုင် ယိုင်လုယိုင်ထိုးဖြစ်နေခဲ့ရတယ်

အစွန်းမလွတ်ခဲ့လို့
အငြိတစ်ချက်မှာ အသက်ပါသွားခဲ့ပြီ....
ရွှေရောင်တောက်ပတဲ့ ညနေခင်းရေ
မင်းကငါ့အတွက်တော့ မလင်းလက်နိုင်တော့ဘူး
ဒီနေ့သေမင်းနဲ့ စစ်ခင်းရတာ နှစ်ကြိမ်တိတိပါပဲ..

ကိုချောရဲ့ အတုတွေ...
လက်မရွံ့ကြီးရဲ့ လက်မောင်းသွေး
ရွှေဘုန်းလူရဲ့ ရစ်သမ်တွေ
အမြင့်ပျံငှက်တစ်ကောင်ရဲ့ စင်သီယာ
ခင်ဗျားတို့စောင့်နေပါ......
ကဗျာတွေရွတ်ဖို လာခဲ့တော့မယ်လေ

ဗင်းဆင့်ရဲ့ စုတ်ကြောင်းတစ်ချက်
ကက်ဘ်ရဲ့ ဂစ်တာတစ်လက်
လိုအပ်နေခဲ့ပြီလေ...။

ကျော်ဦး (7.11.2012)

ဟုတ်သည် (သို့သော်) မဟုတ်ပါ

မဟုတ်ဘူး....
ဒါတွေက မဟုတ်ဘူး....

ငြိမ်ချမ်းခဲ့ဖူးတာတွေရယ်
သွေးစွန်းလမ်းတွေရယ်
အကျည်းတန်ခံရတဲ့ မြို့ရယ်
ဖောက်ထွင်းခံ မြေကမ္ဘာရယ်
ဒါတွေက မဟုတ်ဘူးတဲ့လား

ကမ္ဘာကြီး ပူနွေးမှုတွေကိုဆွေးနွေး
ကြယ်တွေက လက်ပြနုတ်ဆက်
တစ်ပွင့်ပြီးတစ်ပွင့် ကြွေသွားလိုက်ကြတာ
ကြယ်တွေက ကဗျာတွေရေး
ကြယ်တွေက သီချင်းတွေဆို
ကြယ်တွေက နိုင်ငံရေးကိုစိတ်ပူ
ကြယ်တွေက မျက်ရည်မဆယ်နိုင်ဖြစ်
ဒါတွေက မဟုတ်ဘူးတဲ့လား

ကမ္ဘာကြီးရဲ့ အများဆုံးရေပြင်အပိုင်းတွေ
ခန်းခြောက်သထက် ခန်းလာခဲ့
ကဗျာဆရာရဲ့ ပိုက်ဆံအိပ်ပမာပဲ
ဒါ..မဟုတ်ဘူးတဲ့လား
မာယာကော့ဖ်စကီးလည်း မဟုတ်
ဘာတော့ဘရက်လည်း မဟုတ်
ဟုတ်နေတဲ့ အမှန်တရားအတွက်တော့
ဘာမှမဟုတ်တဲ့ ကဗျာတွေလမ်းပေါ်ထွက်ဖို့အဆင်သင့်
အဲဒါကရော မဟုတ်ဘူးတဲ့လား

ကျော်ဦး ( 17.11.2012)

ပစ် စ လတ် ခတ်

ပစ်စလတ်ခတ်ပဲ...
အလင်းတွေ လွတ်ကျကွဲ
အမှောင်သန်း စခန်းသွားဖို့
ဘယ်နည်းဘယ်ပုံ တစုံတခုကိုအမှီပြု
စက်သွားတွေ ကျိုးခဲ့တဲ့ည

ပစ်စလတ်ခတ်ပဲ...
အလျော်တောင်းခံရတဲ့ မိုးရာသီ
အရည်ပျော်သွားတဲ့ နှင်းတွေအတွက်
လေပူတွေတိုက်နေတဲ့ အရပ်တစ်ခု
ငြိမ်းချမ်းခြင်း လေညှင်းကို မျှော်လင့်ကြတယ်

ပစ်စလတ်ခတ်ပဲ...
ကြိတ်ရလွန်းလို့ နာလာတဲ့အံသွားတွေ
ကျိန်းစပ်နေတဲ့ မျက်ရည်တွေနဲ့
ဖြေလျော့ထားရတဲ့ လက်သီးဆုပ်တွေက
သွေးတစ်စက်စက်ကျလို့နေရဲ့

ပစ်စလတ်ခတ်ပဲ...
ခပ်ညံ့ညံ့ ကော့တေးတစ်ခွက်
ရနံမရှိတဲ့ ပန်းခင်းတစ်ခု
ယောင်ချာချာ လျှေက်နေတဲ့ လူငယ်တစ်သိုက်
ခပ်မိုက်မိုက် စရိုက်တွေနဲ့ နေရာ
ချစ်စရာကောင်းတဲ့ အလှတွေရှိခဲ့ဖူးတယ်

ပစ်စလတ်ခတ်ပဲ...
မြိုသိပ်မှု တံခါးတွေကိုရိုက်ချိုး
ပွင့်လင်းရာသီတစ်ခုရဲ့ အိပ်မက်
လတ်ဆတ်စွာ ပွင့်လန်းစေဖို့
ပျိုးတန်ပျိုး ချိုးတန်ချိုးခဲ့ကြပြီ

တကယ့်ကို.. ပစ်စလတ်ခတ်ပါပဲ...။

ကျော်ဦး (9.11.2012)

ပုံသွင်းခံရသော သံသေသား

စနစ်တကျမရှိတဲ့ ခံစားချက်တွေနဲ့
လက်ဖြန့်ခံမတောင်းခဲ့ပါဘူးလေ
ကိုယ့်ရင်ကိုယ်တိုင်ခွဲ လွဲမှားခြင်းတွေနဲ့
နဖူးစည်းမရှိတဲ့ မဏ္ဍပ်တိုင်မှာ
ကိုယ့်ဇာတ်ကိုယ်မနိုင်ပဲ “က”မိခဲ့ပေါ့

သူ့ရင်ခုန်သံကို နားမလည်တဲ့အဖြစ်
ညစ်နွမ်းမှု စည်းရဲ့အပြင်ဘက်မှာ
အသက်ရှုကြပ်လို့ ဇောတစ်ချက် တစ်ချက်က
မတ်မတ်တောင် မရပ်နိုင်အောင်ဖြစ်နေရဲ့
အတ္တတစ်ချို့နဲ့ ကိုယ့်ကို ရွံရှာစွာကြည့်မိတယ်

အတိတ်ခေါက်ရိုးကျိုးကို အပူပေး
ဆွေးသမျှ လွမ်းသမျှတွေက ဆောက်တည်ရာမဲ့
လက်နက်မပါတဲ့ ခံတပ်တစ်ခုသာရှိခဲ့တယ်
မျက်ရည်မြစ်ရဲ့ အစပြုခြင်းက မခံမရပ်နိုင်အောင်ပဲ
ခံစားချက်လွင်ပြင်ထဲက ငါ့မြက်ခင်းတစ်ခင်း
 ဘယ်တော့မှ မစိမ်းလန်းနိုင်ဘူးတဲ့လားကွယ်..

လွင့်မျောနေခဲ့တဲ့ အလင်းနှစ်တစ်ခု
ဆုံမှတ်နဲ့ပန်းတိုင် လှမ်းမကိုင်နိုင်ခဲ့ဘူး
မွန်းကြပ်မှုအတိနဲ့ စိတ်ခန္ဓာ
ဗလာလက်နဲ့ ခပ်ထန်ထန်မျက်ဝန်း
ဒါက မင်းပေးတဲ့ ကူပွန်တစ်ခုလားကွယ်
ကိုယ့်အသက်နဲ့ လက်ခံယူခဲ့ပါတယ်ကွယ်

နေရဲ့ပူပြင်းမှုက ခပ်ပါးပါး
လျှပ်တပြက် တားထားခဲ့တဲ့
အသွားလှလှ ဥပေက္ခာဓါးအောက်မှာ
ကျနော် ကိုယ်တစ်ခြမ်း ခိုးယူခံခဲ့ရပါပြီလေ

အဲဒီကောင်မလေးကပဲ
သူ မခံစားတတ်တဲ့ ကဗျာ...
သူ မခံစားတတ်တဲ့ အချစ်...
သူ မယုံကြည်တဲ့ မြတ်နိုးမှုတွေကို
ကျနော့်ဆီက သိမ်းယူသွားခဲ့တယ်ဗျာ..။

ကျော်ဦး (12.11.2012)

ပြ ဿ နာ လက်

ကိုယ်တိုင်လင်းမှ စာရင်းရှင်းမှာ အခုတော့မှိတ်တုပ်မှိတ်တုပ်
စွမ်းအင် အရင်းအမြစ်တွေက ပြတ်လုလု စဲလုလုဖြစ်ရ
တာတမံတုပ်လို့မနိုင် စိတ်တံခါးကိုဖွင့်ချလို့
သွဲ့သွဲ့ညင်းတဲ့ လေအေးတစ်ချို့ကို ရှုရှိုက်
အမိုက်တိုက်ကြီးကို ကိုယ့်သဘောနဲ့ကိုယ်ဖွင့်လှစ်
ပရိတ်သတ်က တစ်မိနစ်ကို ကြိမ်နှုန်းအသင်္ချေ
လက်ရှိစိတ်အခြေအနေက ရူးနှမ်းနှမ်းဖြစ်နေတယ်

ကိုယ့်အနာဂါတ်နဲ့ကိုယ် စစ်ဖြစ်နေတဲ့အထဲ
ဂြိုလ်စီးဂြိုလ်နင်း အကြောင်းတွေ မပြောနဲ့
သူများတွေ အင်္ဂါဂြိုလ်ပေါ်နေဖို့ စီစဉ်နေပြီ
ဒိဌိ ကွန်နက်ရှင်က မကျနိုင်သေးတော့
စမ်းတဝါးဝါးနဲ့ ထမ်းသွားခဲ့တာ ဘာမှန်းမသိ
ပြဿနာပေါင်းက သောင်းခြောက်ထောင်နဲ့တစ်
ကိုယ့်ပြဿနာတစ်ခု သောင်းခြောက်ထောင်ကိုအငှားယူ
လောကရဲ့ ဓါးခုတ်ရာကို လက်ဝင်လျှိုကြည့်ရတာ အရသာ

တရှိုက်မက်မက် ဆက်သွယ်ခဲ့တဲ့ လွပ်လပ်ရေး
လမ်းလျှောက်သွားတဲ့ လွပ်လပ်ရေး
ငြိမ်းချမ်းနေတဲ့ လွပ်လပ်ရေး ငိုညဉ်းနေတဲ့လွပ်လပ်ရေး
ဖခင်မဲ့ခဲ့လွပ်လပ်ရေး လောကရဲ့လွပ်လပ်ရေး
အဓိကအခြေခံက ငါ့လွပ်လပ်ရေးများလား

ကားပျက်တစ်စီးရဲ့ ယိုယွင်းမှုလိုပဲ
ခေတ်ရဲ့ အော်ညဉ်းသံ ပေါင်းစုံနဲ့ ယိမ်းလို့ယိုင်လို့
လျှပ်စစ်ရဲ့ မျက်နှာလိုက်စီးဆင်းမှုနဲ့အတူ
မြို့ကြီးတွေရဲ့ စိတ်တွေက မည်းလို့မှောင်လို့
လမ်းတွေက ကားတွေနဲ့မိတ်ပျက် မခေါ်နိုင်မပြောနိုင်ကြ
လူ့စိတ်နဲ့လူ့ကိုယ် မကပ်နိုင်အောင်ပဲ တွေးကြ ငေးကြ
အော်... ဒီနေ့ရော မနေကလိုပဲလားလေလို့...
ကျနော်ကိုယ်တိုင်လည်း တွေးလို့ငေးလို့......
ဓါးခုတ်ရာ လျှိုတဲ့အဲဒီလက် ဘယ်တော့များပြတ်မလဲလို့လေ..။

ကျော်ဦး ( 21.11.2012 )

တနေ့တာရဲ့ပုံမှန်အစီအစဉ်

အလင်းတွေ ပျံလွင့်နေတဲ့ကောင်းကင်
ကြယ်တစ်ခင်းက ညရဲ့မျက်နှာဖုံးတစ်ခုဖြစ်နေရဲ့
ရာသီအေးတစ်ခုရဲ့ ဖြတ်သန်းမှုက
 အတောင်မစုံတဲ့ အိပ်မက်တွေနဲ့
ညဥ့်ငှက်တစ်ချို့ ငိုသံအက်ကွဲကွဲသာရှိခဲ့တယ်

ကိုယ့်မနက်ခင်းမှာ ကိုယ်သက်ပြင်းချ
လစ်ဟာနေတဲ့ မနက်စာတိုင်းက စောင့်ကြို
အသက်တစ်ရက်ပိုကြီးလို့ တစ်ရက်မိုက်ခဲ့ပြီးပြီ
 ဒီနေ့အဖို့ကရော အကုသိုလ်တွေနဲ့စာချုပ်ချုပ်
 လောဘတွေနဲ့ လည်ပတ်ရတာ မောလှရောပေါ့

ဝါသနာနဲ့ဘဝက ထပ်တူမကျနိုင်
ကိုယ့်ကို နေလည်ခင်းက စားသုံးသွားပြန်ပေါ့
အလည်အပတ်ရောက်ခဲ့တဲ့ စိတ်ကူးတစ်ချို့
ပတ်ဝန်းကျင်က ရောင်စုံတွေကြားမှာ
 အေးစက်စက် လက်ဘက်ရည်တစ်ခွက် လက်ကြားညှပ်ထားတဲ့ ဆေးပေါ့လိပ်တို့နဲ့အတူ ပျောက်ကွယ်ခဲ့ပြန်ပါတယ်...

ညနေခင်းရဲ့ ညှော်နံ့သင်းသင်း လေညှင်း
 အရသာခံလို့ စားတဲ့ အထမ်းဆိုင်
ကမ်းလက်နှစ်ဘက်လှမ်းတဲ့ ဘီယာမလေးတွေ
တည့်တည့်မတ်မတ် ကျော်ဖြတ်
အလင်းဆိုင်ရဲ့ ညှို့ယူခေါ်သံ နားဆင်
 သောကနဲ့ဒေါသတွေ စုပေါင်းဆုံရာ အရပ်
 ချွေးနံ့နဲ့ယမကာအနံ့ သဘာဝအတိုင်း ထွက်နေလေရဲ့

 ညရဲ့နတ်မိမယ် တစ်ချို့က ဖျော်ဖြေရေးဇာတ်အတွက်
သူနိုင်ကိုယ်နိုင် အပြိုင်ကြဲလို့ သရုပ်ဆောင်နေကြရဲ့
လဲကျသူ ထူမပေးနိုင် အစာမကျွေးနိုင်တဲ့
ညကတော့ ခပ်တည်တည်နဲ့ လက်ပိုက်ကြည့်နေခဲ့တယ်
တနေ့တာ အစီအစဉ်တွေက ပုံမှန်လည်ပတ် ကြုံတွေ့မှုက
လက်ဘက်ရည် အရက်နဲ့ ဇာတ်ပွဲ
အဲဒီလို စိတ်ပျက်စရာတွေနဲ့ပဲ အသက်တစ်ရက်ကြီးခဲ့ ပြန်ပြီပေါ့လေ...။

 ကျော်ဦး (15.11.2012)

လူသားဆန်သောမျက်ရည် ရရှိသွားသော ကောင်မလေးအကြောင်း

                           ညနေခင်းတစ်ခု အလင်းရောင်လေးမျှတနေသည်။ အရပ်သည်ကား လူစည်ကားရာအရပ် အချိန်ကတော့ ညီအစ်ကိုရော ညီအစ်မရော ထင်ထင်ရှားရှား သိသည်အချိန်။ “ ဖြန်း ” ဟုခုန်ပေါက်ကာထွက်လာသောအသံနှင့် ဒေါသဖြင့် တဆတ်ဆတ်တုန်နေသော အသံခပ်စွာစွာတစ်ခု။ သောင်းခြောက်ထောင်မျက်လုံးတွေက အဖြစ်အပျက်နောက်ကိုလိုက်ကြည့် ကောင်လေးတစ်ယောက်ကို ကောင်မလေးတစ်ယောက်က ပါးရိုက်ပြီးသကာလ လက်ညိုးထိုးကာ ရန်တွေ့နေခြင်း။ ခပ်နွမ်းနွမ်း အဝတ်အစား သန့်သန့်ပြန့်ပြန့်ရုပ်ရည် အားငယ်မှုတွေ ပြွမ်းတီးနေတဲ့မျက်ဝန်းနှင့်ယောက်ျားလေးတစ်ယောက် ကောင်မလေးက အသားခပ်လတ်လတ် လှသည်ဟုမဆိုသာသော်လည်း ပြေပြစ်သောအဆင်း ရှိသည်ကို ငြင်းမရသောရုပ်ရည်ရှိ မျက်ဝန်းမှာတော့ ဒေါသတွေသင့်နေလေရဲ့....။


                         သူဒီနေ့ ခြေထောက်ရဲ့ဦးတည်ရာလျှောက်လာရင်းနဲ့ နေ့တွက်မမှန်တဲ့အလုပ်အကြောင်း ကျန်မာရေးမကောင်းတဲ့ မိခင်အကြောင်း စဉ်းစားလာခဲ့တယ်။ ကားမှတ်တိုင်တစ်ခုရဲ့ ထိုင်ခုံတစ်လုံးမှာ ထိုင်နေမိတယ်။ သူ့ရဲ့မျက်နှာဦးတည်ရာတည့်တည့် လမ်းရဲ့တစ်ဖက်ကမ်း အထပ်မြင့်တိုက်လှေကားတစ်ခုပေါ်က ဆင်လာတဲ့ လဝန်းလေးတစ်စင်းကို တွေ့လိုက်ရတယ်။ သူအံ့သြစွာနဲ့ပဲ ငေးကြည့်နေရင်း တစ်ဖက်ကမ်းကူးလာတဲ့ လဝန်းလေးကနီးသထက်နီးလာခဲ့တယ်။ လဝန်းလေးက သူ့ကိုသတိမထားမိအောင် သူ့ရဲ့ခပ်နွမ်းနွမ်းဦးထုပ်ကို အကာအကွယ်ပြု မျက်နှာကသိုဏ်းခိုးပြီးရှုနေခဲ့လေရဲ့။


                          နောက်နေ့တွေမှာလဲ သူအဲဒီကားမှတ်တိုင်လေးကို ဝတ္တရားတစ်ခုလိုရောက်နေခဲ့တယ်။ တစ်နေ့တော့ သူထိုင်ငေးနေရာကို လဝန်းလေးက ဆိုက်ဆိုက်မြိုက်မြိုက်ရောက်လာခဲ့တယ်။ “ နင်ဘာလို့ငါ့နောက်လိုက်နေတာလဲ ” သူမနုတ်ဖျားကနေထွက်ကျလာတဲ့ စကားသံလေးကို သူချိုမြိန်စွာနားထောင်ရင်းနဲ့ ပြန်မပြောနိုင်ခဲ့ဘူးလေ။ သူမထံမှ “နင့်ကိုမေးနေတာ နင်နားမကြားဘူးလား “အ”နေလား” ဟုမေးသံကြားချိန်မှာတော့ ခေါင်းကိုငုံ့လို့ ရှက်ရွံ့စွာနဲ့ သူရှောင်ပြေးဖို့ ကြိုးစားလှည့်အထွက် သူမရဲ့ ခြေထောက်လှလှလေးကို သူ့ရဲ့ ရွံ့ဗွက်ပေနေတဲ့ ဆင်ကြယ်ဖိနပ်ရဲ့ နင်းမိသွားခဲ့တယ်။ သူေ တာင်းပန်ရန်မော့အကြည့် သူမရဲ့လက်ဖဝါးနုက သူရဲ့နေလောင်ဒဏ်ရာရ ပါးတစ်ဖက်ကို ပူခနဲဖြစ်စေခဲ့ပြီး ရွံ့မုန်းစွာနဲ့ ဒေါသဖြစ်နေတဲ့ သူမရဲ့မျက်ဝန်းကိုတွေ့လိုက်ရပြီလေ။ ပတ်ဝန်းကျင်ရဲ့ ထူးဆန်းတယ်ဆိုတဲ့ အကြည့်အောက် သူမရှက်ရွံ့စွာနဲ့တစ်ဖက်လမ်းကို ပြေးအထွက် သူမကို တွန်းထုတ်လိုက်သလိုဖြစ်ပြီး အဝေးကိုလွင့်စင်ကျသွားချိန် တစ်ပြိုင်နက် အသံခပ်ကျယ်ကျယ်တစ်ခုကို နားမှာကြားလိုက်ရတယ်လေ။


                          “ ကားတိုက်ပြီ ” ဆိုတဲ့အသံကိုကြားလိုက်ရပြီး သွေးအိုင်ထဲမှာ သူ့ကိုမြင်လိုက်ရချိန်မှာပဲ အမျိုးသမီးတစ်ယောက်ရဲ့ စကားသံကြောင့် သူမရဲ့စာနာမှုမျက်ရည်တွေ ကျဆင်းလာခဲ့ပါတယ်။ “ ကျွန်မတို့လမ်းထဲက စကားမပြောတတ်တဲ့ အ“အ”လေးပါ သူ့အမေတော့ ရင်ကျိုးပါပြီ ” အဲဒီစကားသံလေးရဲ့နောက်မှာ တော့ လူသားဆန်တဲ့မျက်ရည်တွေ သူမရရှိခဲ့ပါတယ်လေ။


 ကျော်ဦး (16.11.2012)